मुंबई : निखिल वागळे तुम्ही दलाल पत्रकार नसाल तर, वंचित बहुजन आघाडीवरील आरोप सिद्ध करा नाहीतर वंचित बहुजन आघाडीवर प्रेम करणाऱ्या आणि पाठिंबा देणाऱ्या लोकांकडून तुमच्याविरुद्ध व्यक्त होणारा संताप नियंत्रित करणे कठीण होईल असा ईशारा वंचित बहुजन आघाडीने ट्विटरच्या माध्यमातून निखिल वागळे यांना दिला आहे.
संपूर्ण महाराष्ट्र विशेषतः आमचे निष्ठावंत आणि मौल्यवान समर्थक गेल्या काही वर्षांपासून तुमच्या अप्रामाणिक पत्रकारितेवर संतापले असल्याचेही यात म्हटले आहे.
एका माध्यमावर वंचित बहुजन आघाडीचे राष्ट्रीय अध्यक्ष ॲड प्रकाश आंबेडकर यांच्यावर निखिल वागळे यांनी काही आरोप केले होते. या पार्श्वभूमीवर वंचित बहुजन आघाडीने त्यांना हा ईशारा दिला.
निखिल वागळे वारंवार प्रकाश आंबेडकर यांच्यावर टीका करत असल्याने वंचित बहुजन आघाडीचे समर्थक आणि कार्यकर्ते चांगलेच संतापले आहेत.
