नागपूर : राष्ट्रवादी काँग्रेस आणि काँग्रेस यांच्याशी आमची शून्य चर्चा आहे. आमची चर्चा शिवसेना(उ. बा. ठा) यांच्यासोबत आहे. त्यामध्ये आमचं आधीच ठरलं आहे की, शिवसेना, काँग्रेस आणि राष्ट्रवादीची युती झाली नाही तर आपण 50-50 टक्के जागांवर लढणार असल्याचे वक्तव्य वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी केले आहे.
आमची काँग्रेस आणि राष्ट्रवादी काँग्रेस पक्षासोबत कसलीही चर्चा नाही. आम्ही इंडिया आघाडीत सहभागी होण्यासाठी पत्र पाठवले होते मात्र त्यांनी अद्याप कोणतेही उत्तर दिले नाही. टिल्लू पिल्लू यांच्या बोलण्याकडे आम्ही लक्ष देत नाही असं म्हणत त्यांनी कॉंग्रेसच्या काही नेत्यांवर टीका देखील केली आहे.
नागपूर येथे मनुस्मृती दिनाच्या निमित्ताने वंचित बहुजन आघाडीच्या वतीने भारतीय स्त्री मुक्तीदिन परिषदेचे आयोजन करण्यात आले आहे तेथे त्यांनी माध्यमांशी संवाद साधताना इंडिया आघाडीत सहभागी होण्याच्या मुद्द्यावर भाष्य केले.
