अकोला : भारतीय बौद्ध महासभा शाखा अकोला यांच्या वतीने आयोजित करण्यात येणाऱ्या भव्य धम्मचक्र प्रवर्तन दिन महोत्सवाच्या नियोजनासाठी संयुक्त बैठक पार पडली. ही बैठक वंचित बहुजन आघाडीच्या नेत्या अंजलीताई आंबेडकर आणि पी. जे. वानखडे यांच्या प्रमुख मार्गदर्शनाखाली ही बैठक घेण्यात आली.
दरवर्षी विजयादशमीच्या दुसऱ्या दिवशी अकोला येथे धम्मचक्र प्रवर्तन दिनाचा भव्य सोहळा आयोजित केला जातो. गेल्या ४० वर्षांपासून सुरू असलेली ही परंपरा यंदाही उत्साहात कायम ठेवण्यासाठी विविध नियोजनात्मक मुद्द्यांवर बैठकीत चर्चा करण्यात आली.
या संयुक्त बैठकीस भारतीय बौद्ध महासभा, वंचित बहुजन आघाडी आणि भारिप बहुजन महासंघाचे पदाधिकारी व कार्यकर्ते मोठ्या संख्येने उपस्थित होते.
