मुंबई : भारतीय स्वातंत्र्यदिनाचे औचित्य साधून वंचित बहुजन आघाडीच्या माध्यमातून कांदिवली-लोखंडवाला येथील क्रांती नगर रिक्षा स्टँडजवळ ज्येष्ठ नागरिक व नाका कामगारांसाठी उभारण्यात आलेल्या ‘ज्येष्ठ नागरिक व नाका कामगार कट्टा’चे अनावरण करण्यात आले. वंचित बहुजन युवा आघाडी आणि समता सैनिक दल यांच्या संयुक्त विद्यमाने हा उपक्रम राबविण्यात आला होता.
ज्येष्ठ नागरिकांना विरंगुळ्यासाठी तसेच नाका कामगारांना विश्रांती व संवादासाठी हक्काची जागा उपलब्ध व्हावी, या उद्देशाने हा कट्टा उभारण्यात आला आहे. या उपक्रमामुळे परिसरातील ज्येष्ठ नागरिक आणि नाका कामगारांना मोठा दिलासा मिळणार असल्याचे उपस्थितांनी सांगितले.
या अनावरण कार्यक्रमाला जिल्हा पदाधिकारी सुधाकर सोनोने, विजय लांडगे, संघपाल कोळे, वॉर्ड क्रमांक २६ चे समन्वयक चेतन गायकवाड, वॉर्ड क्रमांक २८ चे समन्वयक संतोष मंडलिक, दीपक खैरे, योगेश गमरे, अविनाश जाधव, आशिष मोहोड, वॉर्ड क्रमांक ३९ चे गणेश नवगिरे, अजेश डोके, माजी वॉर्ड क्रमांक ३९ कमिटीचे साहेबराव तायडे, राजू कुटे, किरण मोरे, रामा अंभोरे तसेच समता सैनिक दलाचे गोविंद पिल्ले यांच्यासह पदाधिकारी, कार्यकर्ते आणि नाका कामगार मोठ्या संख्येने उपस्थित होते. हा उपक्रम वंचित बहुजन युवा आघाडीचे महासचिव तथा प्रभाग समन्वयक ३९ अभिषेक वाकोडे यांच्या पुढाकारातून आयोजित करण्यात आला.
