वंचित बहुजन आघाडीची मुंबईत मोर्चेबांधणी !
मुंबई : वंचित बहुजन आघाडीने मुंबई उत्तर मध्य आणि मुंबई दक्षिण मध्य या दोन लोकसभा मतदारसंघात जोरदार मोर्चबांधणी करत असल्याचे दिसत आहे. या पार्श्वभूमीवर वंचित बहुजन आघाडीचे युवा नेते सुजात आंबेडकर हे 28 जानेवारीपासून या दोन्ही मतदारसंघात पायी दौरा करणार आहेत.
वंचित बहुजन आघाडी लोकसभा निवडणुकीत मुंबई उत्तर मध्य आणि मुंबई दक्षिण मध्य येथून निवडणूक लढवण्याच्या तयारीत असल्याची आणि वंचित बहुजन आघाडीने त्यांच्या यादीत या दोन्ही जागांचा समावेश केली असल्याची माहिती नाव न सांगण्याच्या अटीवर एका सूत्राने दिली आहे. त्यांच्या बैठकीत महाविकास आघाडीकडून ते या दोन्ही जागांची मागणी करण्याची शक्यता असल्याचे सूत्राने सांगितले आहे.
या पूर्वी ही वंचित बहुजन आघाडी, मुंबई कमिटीने मुंबईतील एका लोकसभेच्या जागेवर दावा सांगितला होता.
