अकोल्यात कुकरचे प्रेशर वाढले !
अकोला : देशात लोकसभा निवडणुकांची रणधुमाळी सुरू आहे आणि राज्यात अकोला मतदार संघ नेहमीच चर्चेचा राहिला आहे तो म्हणजे वंचित बहुजन आघाडीचे राष्ट्रीय अध्यक्ष ॲड प्रकाश आंबेडकरांमुळे ते या मतदारसंघात उमेदवार आहेत. अशातच त्यांना निवडणूक आयोगाकडून प्रेशर कुकर हे चिन्ह मिळाले आहे. तसेच वंचितच्या अन्य उमेदवारांना रोड रोलर, शिट्टी, कपाट हे चिन्ह मिळाले आहे.
ॲड. आंबेडकर हे अकोला लोकसभा मतदारसंघात प्रेशर कुकर हे चिन्ह घेऊन निवडणूक लढवणार आहेत. आंबेडकर स्वतः उमेदवार असल्याने हा मतदार संघ राजकीय वर्तुळात चर्चेचा विषय होत आहे. वंचित बहुजन आघाडीची ताकद पाहता यंदा आंबेडकरांच्या बाजूने निकाल लागणार अशाही चर्चांना उधाण आले आहे. त्यामुळे या मतदार संघाकडे राज्यातील जनतेचे लक्ष लागले आहे.
