जालना : महामानव डॉ. बाबासाहेब आंबेडकर यांच्या जयंतीनिमित्त जालना शहरात वंचित बहुजन आघाडीच्या वतीने अभिवादनाचा कार्यक्रम मोठ्या उत्साहात पार पडला.
शहरातील अंबड चौफुली येथील वंचित बहुजन आघाडीच्या मराठवाडा जनसंपर्क कार्यालयात आयोजित या कार्यक्रमात डॉ. आंबेडकर यांच्या प्रतिमेस पुष्पहार अर्पण करून विनम्र अभिवादन करण्यात आले. (Dr. Babasaheb Ambedkar Jayanti)
या प्रसंगी उपस्थित मान्यवरांनी डॉ. आंबेडकर यांच्या कार्याचा आणि विचारांचा गौरव करत त्यांच्या आदर्शांवर चालण्याचे आवाहन केले. समाजातील वंचित, शोषित घटकांना न्याय मिळवून देण्यासाठी त्यांच्या विचारांची आजही तितकीच गरज असल्याचे मत व्यक्त करण्यात आले.
कार्यक्रमात वंचित बहुजन आघाडीचे मराठवाडा उपाध्यक्ष दिपक डोके, जिल्हा संघटक राजेंद्र खरात, जिल्हा उपाध्यक्ष शेख लाला, तालुकाध्यक्ष भानुदास साळवे, तालुका उपाध्यक्ष विलास नरवडे, तालुका सचिव राजरत्न अचलखांब, प्रा. सत्यपाल गायकवाड, दगडू जाधव, शत्रुघ्न कोळी, अमोल लोखंडे यांच्यासह इतर पदाधिकारी व कार्यकर्ते मोठ्या संख्येने उपस्थित होते. (Dr. Babasaheb Ambedkar Jayanti)
कार्यक्रमाचे वातावरण उत्साहपूर्ण व प्रेरणादायी होते. उपस्थितांनी डॉ. आंबेडकर यांच्या विचारांना उजाळा देत सामाजिक समतेचा संदेश देण्याचा प्रयत्न केला.
