चंद्रपूर : वंचित बहुजन आघाडी, जिल्हा चंद्रपूर (पश्चिम) यांच्या वतीने जिल्हा पक्ष कार्यालयात भारतरत्न डॉ. बाबासाहेब आंबेडकर यांची जयंती उत्साहात साजरी करण्यात आली. कार्यक्रमाच्या अध्यक्षस्थानी जिल्हाध्यक्ष प्रकाशजी तावाडे होते.
यावेळी वंचित बहुजन महिला आघाडीच्या जिल्हाध्यक्षा कविता गौरकार, शहराध्यक्ष तनुजा रायपुरे, जिल्हा महासचिव मधुकर उराडे, शादाब शेख, जिल्हा उपाध्यक्ष रूपचंद निमगडे साहेब, दिव्यकुमार बोरकर साहेब, अश्विनाश कातकर, शार्दुल गणवीर, शुभाष थोरात, दिगांबर दुर्योधन, सोमेश्वर सोरते, अंविता उके मॅडम, रेखा धाणके यांसह जिल्हा, तालुका व शहरातील अनेक पदाधिकारी आणि कार्यकर्ते उपस्थित होते. (Dr. Babasaheb Ambedkar)
कार्यक्रमाची सुरुवात जिल्हाध्यक्ष प्रकाश तावाडे व महिला जिल्हाध्यक्षा कविता गौरकार यांच्या हस्ते दीपप्रज्वलन करून करण्यात आली. यानंतर डॉ. बाबासाहेब आंबेडकर यांच्या प्रतिमेला पुष्पहार अर्पण करून अभिवादन करण्यात आले.
यावेळी विविध पदाधिकाऱ्यांनी उपस्थित कार्यकर्त्यांना मार्गदर्शन केले. जिल्हाध्यक्ष प्रकाश तावाडे, जिल्हा महासचिव मधुकर उराडे, जिल्हा उपाध्यक्ष रूपचंद निमगडे व दिव्यकुमार बोरकर यांनी सामाजिक व संघटनात्मक कार्यावर मार्गदर्शन केले. तसेच कार्यकर्ता शार्दुल गणवीर यांनी पक्षवाढी संदर्भात विचार मांडले.
कार्यक्रमाचे संचालन मधुकर उराडे यांनी केले, तर आभार प्रदर्शन शहर महिला अध्यक्ष तनुजा ताई रायपुरे यांनी केले. सर्व पदाधिकारी व कार्यकर्त्यांच्या उपस्थितीत कार्यक्रम यशस्वीरित्या पार पडला.
