नवी मुंबईत SIR प्रक्रियेसंदर्भात व्हीबीए (VBA) पदाधिकाऱ्यांची अधिकाऱ्यांशी चर्चा

नवी मुंबई : SIR (Special Intensive Revision) मतदार नोंदणी प्रक्रियेच्या अनुषंगाने 17 ऑगस्ट 2026 रोजी नवी मुंबईचे जिल्हाध्यक्ष अश्वजीत जगताप आणि महासचिव मल्लिनाथ सोनकांबळे यांनी मतदार नोंदणी अधिकारी प्रीती पाटील यांची भेट घेतली. यावेळी SIR प्रक्रियेबाबत सविस्तर चर्चा करण्यात आली. मतदार यादीतून कोणत्याही पात्र मतदाराचे नाव वगळले जाऊ नये, तसेच नागरिकांच्या मताधिकाराचे संरक्षण व्हावे, यासाठी आवश्यक ती खबरदारी घेण्याची मागणी यावेळी करण्यात आली.

Also Read : प्रत्येक अडचणीत वंचित बहुजन आघाडी नागरिकांच्या मदतीला; साईनगर रबाळेतील समस्यांवर प्रशासनाला इशारा

यावेळी मतदार नोंदणी अधिकारी प्रीती पाटील यांनी माहिती देताना सांगितले की, 17 ऑगस्टपर्यंत सुमारे 60 टक्के मतदारांची नोंदणी प्रक्रिया पूर्ण झाली आहे. उर्वरित मतदारांच्या संदर्भात पुढील काळात प्राप्त होणाऱ्या हरकती व दाव्यांनुसार आवश्यक कार्यवाही करून पात्र मतदारांची नावे मतदार यादीत समाविष्ट करण्यात येतील. तसेच कोणत्याही पात्र मतदाराचे नाव वगळले जाणार नाही, याची प्रशासनाकडून काळजी घेतली जाईल, असे त्यांनी स्पष्ट केले.

यावेळी SIR प्रक्रियेदरम्यान नागरिकांना कोणत्याही प्रकारची अडचण येऊ नये आणि पात्र मतदारांचे नाव मतदार यादीत कायम राहावे, यासाठी प्रशासनाने योग्य ती कार्यवाही करण्याची मागणी करण्यात आली.