पुणे : देशात खाजगी क्षेत्राचा झपाट्याने विस्तार होत असून सार्वजनिक क्षेत्र मात्र वेगाने आकुंचन पावत आहे. या धोरणामुळे सार्वजनिक रोजगारातील अनुसूचित जाती (SC), अनुसूचित जमाती (ST) आणि इतर मागासवर्गीयांचे (OBC) घटनात्मक आरक्षण पद्धतशीरपणे मोडीत काढले जात असल्याचा खळबळजनक आरोप वंचित बहुजन आघाडीचे अध्यक्ष ॲड. प्रकाश आंबेडकर यांनी केला आहे. या परिस्थितीवर मात करण्यासाठी ‘खाजगी क्षेत्रात आरक्षण आत्ताच लागू झाले पाहिजे!’ अशी आक्रमक मागणी त्यांनी केली आहे.
ॲड. आंबेडकर यांनी ट्विट मध्ये म्हटले की, खाजगी क्षेत्राचा विस्तार होत असून सार्वजनिक क्षेत्र आकुंचन पावत आहे, आणि त्यासोबतच सार्वजनिक रोजगारातील अनुसूचित जाती (SC), अनुसूचित जमाती (ST) आणि इतर मागासवर्गीयांचे (OBC) आरक्षण पद्धतशीरपणे मोडीत काढले जात आहे. खाजगी क्षेत्रात आरक्षण आत्ताच लागू झाले पाहिजे.
