पातूर : पातूर तालुक्यातील चान्नी पोलीस स्टेशन अंतर्गत सावरगाव येथे एका १० वर्षांच्या चिमुकलीवर त्याच गावातील नराधमाने सतत ३ दिवस अत्याचार केल्याची अत्यंत निंदनीय व क्रूर घटना घडली आहे. या घटनेने संपूर्ण जिल्हा हादरला असून परिसरात संतापाची लाट उसळली आहे. सदर प्रकरणातील आरोपी अद्यापही फरार असून, त्याला तात्काळ अटक करून कठोर शिक्षा व्हावी यासाठी वंचित बहुजन आघाडीच्या वतीने आज पीडित मुलीची व तिच्या कुटुंबीयांची भेट घेण्यात आली.
वंचित बहुजन आघाडीच्या शिष्टमंडळाने पीडित कुटुंबाचे सांत्वन करत त्यांना आधार दिला. त्यानंतर, घटनास्थळी उपस्थित असलेले उप जिल्हा पोलीस अधीक्षक चंद्रकांत रेड्डी यांची भेट घेऊन आरोपीला लवकरात लवकर बेड्या ठोकण्याची मागणी करण्यात आली.
यावेळी वंचित बहुजन आघाडीचे जिल्हाध्यक्ष प्रमोद देंडवे, महिला जिल्हाध्यक्ष आम्रपालीताई खंडारे, जि. प. गटनेते ज्ञानेश्वर सुलताने, महानगर अध्यक्ष मजहर खान, महासचिव गजानन गवई, पातुर तालुकाध्यक्ष डॉ. ओमप्रकाश धर्माळ, बार्शिटाकळी तालुकाध्यक्ष गोरसिंग राठोड, माजी जिल्हा प्रसिद्धी प्रमुख विकास सदांशिव, ज्येष्ठ नेते चरणसिंग चव्हाण, अॅड. किरण सरदार, चंद्रकांत तायडे, सुभाष चिपडे, प्रविण इंगळे, शिलवंत उपर्वट, दुर्गा अवचार, आशाताई मोहोळ, अक्षरा अवचार आणि धनराज चव्हाण यांसह इतर पदाधिकारी व कार्यकर्ते मोठ्या संख्येने उपस्थित होते.
या नराधम आरोपीला कडक शासन होईपर्यंत वंचित बहुजन आघाडी पीडित कुटुंबाच्या पाठीशी खंबीरपणे उभी राहील, असा निर्धारही यावेळी व्यक्त करण्यात आला.
