नांदेड : भारतरत्न डॉ. बाबासाहेब आंबेडकर यांच्या 135 व्या जयंतीनिमित्त वंचित बहुजन आघाडी, नांदेड जिल्ह्याच्या वतीने विविध समाजोपयोगी व शैक्षणिक उपक्रम राबवून जयंती उत्साहात साजरी करण्यात आली. यामध्ये भव्य रक्तदान शिबिर, आरोग्य तपासणी शिबिर, मिठाई वाटप, पाणी बॉटल वाटप तसेच गरजू विद्यार्थ्यांना शैक्षणिक साहित्याचे वाटप करण्यात आले.
या उपक्रमांद्वारे समाजाप्रती कृतिशील बांधिलकी जपत डॉ. आंबेडकरांना अभिवादन करण्यात आले. रक्तदान शिबिराचे उद्घाटन वंचित बहुजन आघाडीचे राज्य उपाध्यक्ष फारुख अहमद यांच्या हस्ते झाले. मिठाई वाटपाचा शुभारंभ मराठवाडा सदस्य संघरत्न कुऱ्हे यांच्या हस्ते करण्यात आला, तर पाणी बॉटल वाटपाचे उद्घाटन दक्षिण जिल्हाध्यक्ष शंकर यांच्या हस्ते झाले. याशिवाय शैक्षणिक साहित्याचे वाटप उत्तर जिल्हाध्यक्ष प्रा. राज अटकोरे यांच्या हस्ते करण्यात आले.
या प्रसंगी जिल्हाध्यक्ष शिवा नरंगले, गटनेते प्रशांत इंगोले, दक्षिण जिल्हा महासचिव रवि पंडित यांच्या नेतृत्वाखाली रक्तदान शिबिराचे संयोजन करण्यात आले. तसेच उत्तर जिल्हा महासचिव दीपक मगर, जिल्हा संघटक संजय टिके, जिल्हा सचिव रंगनाथ गजले, जिल्हा उपाध्यक्ष के. एच. वने, अरुण भद्रे, धाराजी हिंगोले, बालाजी सूर्यतळे,
सवयी सोनकांबळे, नामदेव पांचाळ, डॉ. राम वनंजे, जयपाल ढवळे, विद्यानंद पवळे, प्रल्हाद इंगोले, गोरखनाथ पाटील, सुरेश गजभारे, विनय मोरे यांच्यासह मोठ्या संख्येने पदाधिकारी व कार्यकर्ते उपस्थित होते. हे सर्व उपक्रम यशस्वी करण्यासाठी वंचित बहुजन आघाडी नांदेड उत्तर व दक्षिणच्या पदाधिकाऱ्यांनी विशेष परिश्रम घेतले.
