मातंग समाजाला दिले प्रतिनिधित्व
मुंबई : मातंग समाजाची अनुसूचित जातीच्या आरक्षणामध्ये वर्गीकरण करण्याची दीर्घकाळापासून मागणी आहे. वंचित बहुजन आघाडीने मातंग समाजातील नरसिंग उदगीरकर यांना अनुसूचित जातीसाठी राखीव असलेल्या लातूर लोकसभा मतदारसंघात प्रतिनिधित्व देण्याचा निर्णय घेतल्याचे वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी ट्विटरच्या माध्यमातून सांगितले.
जेव्हा मी उमेदवारीचे सामाजिकीकरण आणि त्याद्वारे राजकीय सत्तेचे सामाजिकीकरण असे जेव्हा म्हणतो, तेव्हा मला हेच अभिप्रेत असल्याचेही आंबेडकर यांनी नमूद केले आहे.
फुले-शाहू-आंबेडकरी विचारांच्या राजकारणाचा मार्ग असलेल्या अकोला पॅटर्नचा विकास, त्यासाठीचा लढा आणि अंमलबजावणी करण्यात मी अनेक वर्षे घालवली आहेत. वंचित बहुजन आघाडी हाच पॅटर्न घेऊन महाराष्ट्राचे आणि लवकरच संपूर्ण भारताचे भविष्य घडवण्यासाठी लढत असल्याचेही आंबेडकर यांनी म्हटले आहे.
