मुंबई : वंचित बहुजन आघाडीने नवीन राज्य प्रवक्त्यांच्या नावांची यादी जाहीर केली आहे. यामध्ये भटक्या विमुक्तांचे नेते डॉ. अरुण जाधव, दिशा पिंकी शेख, सिद्धार्थ मोकळे, प्रा. सोमनाथ साळुंखे, तय्यब जफर, उत्कर्षा रूपवते यांच्या नावांचा समावेश आहे.
ॲड. अरुण जाधव हे भटके विमुक्तांचे नेते आहेत तसेच ते वंचित बहुजन आघाडीचे राज्य समन्वयक देखील आहेत. वंचित बहुजन आघाडीचे मुख्य प्रवक्ते म्हणून सिद्धार्थ मोकळे हे कायम राहणार आहेत.
प्रा. सोमनाथ साळुंखे यांनी देखील वंचित बहुजन आघाडीचे राज्य उपाध्यक्ष म्हणून काम पाहिले आहे. तसेच शिर्डी लोकसभा मतदारसंघातून लोकसभेची निवडणूक लढवणाऱ्या उमेदवार उत्कर्षाताई रूपवते यांची देखील राज्य प्रवक्ते म्हणून नेमणूक करण्यात आली आहे. त्याचबरोबर आक्रमक चेहरा म्हणून तय्यब जफर यांची देखील राज्य प्रवक्तेपदी नेमणूक केली आहे.
ॲड. अरुण जाधव, उत्कर्षाताई रूपवते आणि तय्यब जफर हे प्रवक्त्यांच्या यादीतील नवीन चेहरे आहेत.
