कल्याण : शहरातील राजकीय घडामोडींना वेग आला असून, रिपब्लिकन सेनेतील काही सक्रिय कार्यकर्त्यांनी वंचित बहुजन आघाडीत जाहीर प्रवेश केला आहे. या प्रवेशामुळे स्थानिक पातळीवर वंचित बहुजन आघाडीची ताकद वाढल्याचे मानले जात आहे.
सामाजिक आणि राजकीय भूमिकेत बदल करत, या कार्यकर्त्यांनी वंचित बहुजन आघाडीच्या विचारधारेवर विश्वास व्यक्त करत पक्षात प्रवेश केला. आगामी निवडणुकांच्या पार्श्वभूमीवर हा प्रवेश महत्त्वाचा मानला जात आहे. (Vanchit Bahujan Aghadi)
Also Read : Sangli : मिरज वैद्यकीय महाविद्यालयात वेतनाचा गोंधळ : २९ दिवस तत्त्वावरील कर्मचाऱ्यांचा संताप उसळला
वंचित बहुजन आघाडीत प्रवेश करणाऱ्यांमध्ये बाबुशेट तलाठी, ललिता आखाडे, विनोद रोकडे, वंदना नाईकनवरे, पल्लवी दोंदे, संतोष बागुल, अशोक कांबळे, संजय चंदने, पंडित जगताप, प्रतिक्ष सोनवणे आणि चंद्रकांत मोरे यांचा समावेश आहे.
प्रवेशाच्या वेळी उपस्थित पदाधिकाऱ्यांनी नव्या कार्यकर्त्यांचे स्वागत करत, पक्षाच्या विचारधारेचा प्रसार आणि संघटन मजबूत करण्यासाठी सर्वांनी एकत्र काम करण्याचे आवाहन केले. (Vanchit Bahujan Aghadi)
Also Read : सुजात आंबेडकर यांच्याकडून महात्मा फुलेंना अभिवादन !
या प्रवेशामुळे कल्याण परिसरात वंचित बहुजन आघाडीला नवी ऊर्जा मिळाल्याचे बोलले जात असून, आगामी राजकीय समीकरणांवर त्याचा परिणाम होण्याची शक्यता वर्तवली जात आहे.
