राज्यात मुसळधार पावसामुळे ‘रेड अलर्ट’: कोकण, विदर्भ आणि घाटमाथ्यावर अतिवृष्टीची शक्यता; नागरिकांना सतर्कतेचा इशारा

‎प्रशासनाने नागरिकांना सतर्कतेचा इशारा दिला आहे, कारण आज राज्यात मुसळधार पावसाची शक्यता वर्तवण्यात आली आहे. हवामान खात्याने दिलेल्या माहितीनुसार, कोकण आणि विदर्भातील अनेक जिल्ह्यांसाठी ‘रेड अलर्ट’ जारी करण्यात आला आहे.
‎
‎’रेड अलर्ट’ जारी झालेले जिल्हे
‎
‎पुढील २४ तासांत अतिमुसळधार पावसाची शक्यता असलेले जिल्हे:

‎ १) रायगड
‎ २) रत्नागिरी
‎ ३) पुणे घाटमाथा
‎ ४) सातारा घाटमाथा
‎ ५) भंडारा
‎ ६) गोंदिया
‎ ७) चंद्रपूर
‎ ८) गडचिरोली
‎
‎मुंबई, ठाणे आणि पालघरसाठी ‘ऑरेंज अलर्ट’
‎
‎दरम्यान, मुंबई, ठाणे आणि पालघर जिल्ह्यांसाठी ‘ऑरेंज अलर्ट’ जारी करण्यात आला आहे. या भागांमध्येही जोरदार पावसाचा इशारा देण्यात आला आहे.
‎
‎शाळा-महाविद्यालयांना सुट्टी, नागरिकांना सतर्कतेचा इशार
‎
‎संभाव्य पूरस्थिती आणि नद्या-नाल्यांमधील पाण्याची वाढ लक्षात घेता, काही जिल्ह्यांमध्ये शाळा आणि महाविद्यालयांना तात्पुरती सुट्टी जाहीर करण्यात आली आहे. जिल्हा प्रशासनाने नागरिकांना सतर्क राहण्याचे आणि अनावश्यक घराबाहेर न पडण्याचे आवाहन केले आहे.