औरंगाबाद : औरंगाबाद डॉ. बाबासाहेब आंबेडकर, मराठवाडा विद्यापीठ येथे सुरू असलेल्या प्राध्यापक भरती प्रक्रियेसाठी ऑनलाईन अर्ज भरण्याच्या अंतिम मुदतीत वाढ करण्यात आली असून आता इच्छुक उमेदवारांना 20 मार्च 2026 पर्यंत अर्ज सादर करता येणार आहेत. ही मुदतवाढ यांच्या मागणीनंतर देण्यात आली आहे.
यापूर्वी सम्यक विद्यार्थी आंदोलनच्या वतीने विद्यापीठ प्रशासनाला निवेदन देऊन प्राध्यापक भरतीसाठी ऑनलाईन अर्ज भरण्याची अंतिम मुदत वाढविण्याची मागणी करण्यात आली होती. अनेक इच्छुक उमेदवारांना आवश्यक कागदपत्रांची पूर्तता करण्यासाठी पुरेसा वेळ मिळाला नसल्याचे तसेच काही उमेदवारांना तांत्रिक अडचणींमुळे ऑनलाईन अर्ज सादर करता आले नसल्याचे निवेदनात नमूद करण्यात आले होते. (dr babasaheb ambedkar marathwada university)
पात्र आणि इच्छुक उमेदवारांना अर्ज करण्याची संधी मिळावी, यासाठी ऑनलाईन अर्ज भरण्याची अंतिम मुदत वाढविण्यात यावी, अशी मागणी आंदोलनाच्या वतीने करण्यात आली होती. (dr babasaheb ambedkar marathwada university)
विद्यापीठ प्रशासनाने या मागणीची दखल घेत प्राध्यापक भरतीसाठी ऑनलाईन अर्ज भरण्याची अंतिम मुदत 20 मार्च 2026 पर्यंत वाढविण्याचा निर्णय घेतला आहे. या निवेदनावर सम्यक विद्यार्थी आंदोलनचे जिल्हाध्यक्ष अक्रम खान यांच्यासह अमरदीप हिवराळे, संदीप तुपसंमुद्रे, अमोल बोर्डे आणि जुनेद कुरेशी यांच्या स्वाक्षऱ्या आहेत.
