आपण शेळी मेंढी नसून सिंह आहोत हे न विसरण्याचे केले आवाहन !
पुणे: नवीन वर्षाच्या पहिल्या दिवशी आणि शौर्य दिनाच्या निमित्ताने कोरेगाव भीमा येथील विजय स्तंभाला २०६ वर्ष झाल्याच्या निमित्ताने वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी मानवंदना दिली. त्यानंतर त्यांनी ट्विट करत नवीन वर्षाच्या पार्श्वभूमीवर भीम अनुयायांना आवाहन देखील केले. आपण भेड बकरीचे संतान नाही तर, सिंह आहोत हे माझ्या लोकांनी कधीही विसरू नये.असे आवाहन त्यांनी केले आहे.
त्यांनी आपल्या सामर्थ्याकडे डोळेझाक केली आहे, परंतु आपण काय चमत्कार करू शकतो हे सर्वांना माहीत आहे.गौरव हा आमचाचं असेल असेही त्यांनी म्हटले आहे.
महार सैनिक आणि पेशवे यांच्यात सन १८१८ साली कोरेगाव भीमा येथे युद्ध झाले होते. महार सैनिकांच्या स्मरणार्थ ब्रिटिशांनी हा विजयस्तंभ निर्माण केला. या विजय स्तंभाला अभिवादन करण्यासाठी दरवर्षी लाखों भीम अनुयायी येथे उपस्थित राहतात.
