केरळ : देशातील निवडणूक प्रक्रियेवर विश्वास ठेवणाऱ्या जनतेसाठी धक्कादायक ठरणारी घटना केरळमध्ये समोर आली आहे. Election Commission of India च्या अधिकृत पत्रावर थेट Bharatiya Janata Party (भाजप) चा शिक्का आढळल्याने राजकीय वर्तुळात प्रचंड खळबळ उडाली आहे. विरोधकांनी याला “लोकशाहीवरील उघड हल्ला” ठरवत आयोगाच्या स्वायत्ततेवरच प्रश्नचिन्ह उभे केले आहे.
ही संपूर्ण बाब तेव्हा उघडकीस आली, जेव्हा Communist Party of India (Marxist) (CPI-M) ने सोशल मीडियावर एक दस्तऐवज प्रसिद्ध केला. हा दस्तऐवज प्रत्यक्षात २०१९ सालचा निवडणूक आयोगाचा परिपत्रक असल्याचे समोर आले, मात्र त्यावर भाजप केरळ युनिटचा अधिकृत शिक्का स्पष्टपणे दिसत होता. या प्रकारामुळे निवडणूक आयोगाच्या कामकाजावर गंभीर शंका उपस्थित झाल्या आहेत. (Election Commission)
टुकार भोसले ची राजकीय भोंदूगिरी…
दरम्यान, निवडणूक आयोगाने या प्रकरणावर स्पष्टीकरण देताना ही घटना “लिपिकीय त्रुटी” असल्याचे सांगितले. भाजप कार्यालयाकडून आलेल्या पत्राची झेरॉक्स प्रत चुकून अधिकृत दस्तऐवज म्हणून वितरित झाल्याचा दावा करण्यात आला आहे. इतकेच नव्हे, तर या प्रकरणी एका कर्मचाऱ्याला निलंबित केल्याची माहितीही आयोगाने दिली आहे.
मात्र विरोधकांना हे स्पष्टीकरण मान्य नसून, Indian National Congress, All India Trinamool Congress आणि CPI(M) ने एकत्रितपणे हल्लाबोल करत आयोगावर तीव्र टीका केली आहे. “हा फक्त clerical error नाही, तर सत्ताधाऱ्यांच्या प्रभावाखालील यंत्रणेचा पुरावा आहे,” असा आरोप विरोधकांनी केला आहे. (Election Commission)
भारताचे सार्वभौमत्व गमावलेले संघाचे मोदी!
विशेष म्हणजे, केरळमध्ये आगामी विधानसभा निवडणुका डोळ्यासमोर ठेवून हा वाद पेटला आहे. अशा परिस्थितीत निवडणूक आयोगासारख्या संवैधानिक संस्थेच्या निष्पक्षतेवर प्रश्नचिन्ह निर्माण होणे ही लोकशाहीसाठी धोक्याची घंटा असल्याचे मत राजकीय विश्लेषक व्यक्त करत आहेत. (Election Commission)
