फुले-शाहू-आंबेडकर फेलोशिपसाठी अर्ज करण्याचे आवाहन
मुंबई : निवडणूक प्रचार आणि अभियान व्यवस्थापनासाठी वंचित बहुजन आघाडी आणि वंचितच्या राजकीय नेतृत्वासोबत काम करण्याची तरुणांना मोठी संधी उपलब्ध करून देण्यात आली आहे. यासाठी वंचित बहुजन आघाडीतर्फे फेलोशिप देण्यात येणार आहे, अशी माहिती वंचित बहुजन आघाडीने ट्विटरच्या माध्यमातून दिली आहे.
या फेलोशिपच्या माध्यमातून फुले, शाहू, आंबेडकर चळवळीचा भाग होता येणार आहे. परिवर्तनाच्या चळवळीत सामील होण्यासाठी आणि वंचित बहुजन आघाडीसोबत काम करण्यासाठी गुगल फॉर्मची लिंक उपलब्ध असून त्याद्वारे फेलोशिपसाठी अर्ज करता येणार आहे.
