नांदेड: वंचित बहुजन आघाडीने महानगरपालिका २०२६ च्या सार्वत्रिक निवडणुकीत जनतेला दिलेल्या जाहीरनाम्यातील वचनपूर्तीच्या प्रक्रियेला सुरुवात केली आहे. जाहीरनाम्यात दिल्याप्रमाणे नांदेड शहरात शिवरत्न जिवाजी महाले यांचा पूर्णाकृती पुतळा उभारण्यासाठी वंचित बहुजन आघाडीच्या सहाही नगरसेवकांनी प्रशासकीय स्तरावर कृतीशील सहभाग नोंदवून पुतळा उभारणीसाठी पुढाकार घेतला.
या पार्श्वभूमीवर दोनच दिवसात वंचित बहुजन आघाडीचे युवा नेते सुजात आंबेडकर हे नांदेड जिल्हा दौऱ्यावर आले असता, शिवरत्न जिवाजी महाले स्मारक समिती व नांदेड मधील नाभिक समाजाच्या वतीने त्यांची प्रत्यक्ष भेट घेऊन चर्चा करून आभार मानण्यात आले.
याप्रसंगी वंचितचे नेते तथा स्मारक समितीचे अध्यक्ष ॲड. गोविंद दळवी यांच्यासह समितीचे सर्व पदाधिकारी उपस्थित होते.
यावेळी वंचितचे नेते शिवा नरंगले, श्याम कांबळे, गटनेते इंजि. प्रशांत इंगोले, अक्षय बनसोडे, नगरसेवक तथा स्थायी समितीचे सदस्य राहुल सोनसळे, नगरसेवक ॲड. शेख बिलाल, सम्यक विद्यार्थी आंदोलनाचे राज्य प्रवक्ते प्रशांत बोराडे, कैलास वाघमारे, नगरसेवक प्रतिनिधी कुलदीप राक्षसमारे, दीपक मगर, बंटी मोरे आदी उपस्थित होते.
