नाशिक : नाशिक पूर्व विधानसभा मतदारसंघातील चांदवड तालुक्यात रिपब्लिकन पार्टी ऑफ इंडिया (A) चे जिल्हा उपाध्यक्ष तसेच विविध पक्षांतील कार्यकर्त्यांसह मुस्लिम समाजातील कार्यकर्त्यांनी वंचित बहुजन आघाडीत जाहीर प्रवेश केला. ॲड. बाळासाहेब आंबेडकर यांच्या नेतृत्वावर विश्वास व्यक्त करत या कार्यकर्त्यांनी वंचित बहुजन आघाडीची धुरा स्वीकारली.
वंचित बहुजन आघाडीचे जिल्हाध्यक्ष दीपक पवार यांच्या उपस्थितीत हा पक्षप्रवेश सोहळा पार पडला. विविध सामाजिक घटकांतील कार्यकर्त्यांनी पक्षात प्रवेश केल्याने चांदवड तालुक्यात वंचित बहुजन आघाडीला संघटनात्मक बळ मिळाले आहे.
या प्रसंगी जिल्हा महासचिव संजय जगताप, युवा जिल्हाध्यक्ष शशिकांत पवार, तालुकाध्यक्ष संतोष केदारे, जिल्हा उपाध्यक्ष कैलास लोहार, युवा महासचिव संदीप महिरे, नितीन हिरे यांच्यासह तालुक्यातील प्रमुख पदाधिकारी व मान्यवर उपस्थित होते.
