मुंबई : मुंबई मध्ये राहुल नगर क्रमांक २, पाईपलाईन, प्रियदर्शिनी, चुनाभट्टी, सायन, येथील रस्त्यावर मोठ्या प्रमाणात खड्डे पडल्याने नागरिकांना मोठ्या त्रासाला सामोरे जावे लागत होते. खराब रस्त्यामुळे वाहनचालकांसह पादचाऱ्यांनाही अडचणींचा सामना करावा लागत होता.
या समस्येची दखल घेत वंचित बहुजन आघाडीचे स्वप्नील जवळगेकर यांनी प्रशासनाकडे सातत्याने पाठपुरावा केला. यासंदर्भात ऑनलाईन तक्रार दाखल करण्यासोबतच संबंधित आयुक्तांसोबत बैठक घेऊन रस्त्याची तातडीने दुरुस्ती करण्याची मागणी करण्यात आली.
तसेच वंचित बहुजन आघाडीचे योगेश पाडमुख यांनीही या प्रश्नासाठी सातत्याने पाठपुरावा केला. अखेर प्रशासनाने नागरिकांच्या समस्येची दखल घेत संबंधित रस्त्याची दुरुस्ती करून दिली. या दुरुस्तीमुळे परिसरातील नागरिकांना मोठा दिलासा मिळाला असून, वंचित बहुजन आघाडीच्या सातत्यपूर्ण पाठपुराव्यामुळे नागरिकांच्या मूलभूत सुविधेचा प्रश्न मार्गी लागल्याची भावना व्यक्त होत आहे.
