वळसंग (दक्षिण सोलापूर) : महामानव डॉ. बाबासाहेब आंबेडकर यांच्या पदस्पर्शाने पावन झालेल्या मौजे वळसंग (ता. दक्षिण सोलापूर) येथे १४ ऑगस्ट २०२६ रोजी ‘वंचित बहुजन महिला आघाडी’च्या नवीन शाखेचे उद्घाटन मोठ्या उत्साहात आणि दिमाखात संपन्न झाले. हे उद्घाटन वंचित बहुजन महिला आघाडीच्या जिल्हा अध्यक्षा श्वेताताई राजगुरु यांच्या शुभहस्ते करण्यात आले.
या सोहळ्यास वंचित बहुजन आघाडीचे सोलापूर जिल्हा अध्यक्ष चंद्रशेखर मडीखांबे यांची प्रमुख उपस्थिती लाभली होती. तसेच महिला जिल्हा उपाध्यक्ष पुष्पाताई गायकवाड, दक्षिण सोलापूर तालुका अध्यक्ष सौ. लक्ष्मीताई सोनकांबळे, तालुका सचिव आशाताई कांबळे, सोलापूर शहर सचिव आशाताई आव्हाड, राधाताई वाघमारे, खंडू वाघमारे,यशवंत इंगळे, शिवाजी चौगुले, सीताफळे मंजलेकर यांच्यासह मौजे वांगी शाखेच्या महिला पदाधिकारी, दक्षिण सोलापूर तालुक्यातील सर्व प्रमुख पदाधिकारी आणि कार्यकर्ते मोठ्या संख्येने उपस्थित होते.
सदर शाखा उद्घाटन सोहळा यशस्वी करण्यासाठी नवनिर्वाचित शाखा महिला अध्यक्ष साधनाताई वाघमारे, महासचिव शांतताई कोळी, सचिव उषा सरवदे, उपाध्यक्ष अश्विनी गवाळे-ताई, समस्त महिला वर्ग आणि वळसंग ग्रामस्थ मोठ्या संख्येने उपस्थित राहून विशेष परिश्रम घेतले.
