पुणे : भारतीय स्वातंत्र्य दिनाचे औचित्य साधून वंचित बहुजन आघाडी, पुणे शहराच्या वतीने पुणे स्टेशन येथील डॉ. बाबासाहेब आंबेडकर पुतळा परिसरात भव्य ध्वजारोहण सोहळ्याचे आयोजन करण्यात आले होते. बार्टी (BARTI) चे विभाग प्रमुख प्रा. डॉ. बबन जोगदंड यांच्या हस्ते अत्यंत उत्साही वातावरणात ध्वजारोहण पार पडले. या सोहळ्यास ज्येष्ठ नेते वसंतदादा साळवे प्रमुख मार्गदर्शक म्हणून उपस्थित होते, तर कार्यक्रमाचे अध्यक्षस्थान शहराध्यक्ष ॲड. अरविंद तायडे यांनी भूषवले.
स्वातंत्र्य दिनानिमित्त उपस्थितांना संबोधित करताना वक्त्यांनी संविधानिक मूल्ये, सामाजिक समता, स्वातंत्र्य, बंधुता आणि लोकशाहीचे रक्षण करण्याची तातडीची गरज अधोरेखित केली. तसेच संविधानाने दिलेल्या हक्कांची आणि लोकशाही मूल्यांची जपणूक करण्याचा ठाम संकल्प याप्रसंगी व्यक्त करण्यात आला. कार्यक्रमाचे सूत्रसंचालन प्रा. बी. पी. सावळे यांनी केले.
या सोहळ्याला उत्तम वनशिव, विशाल गवळी, मेजर ॲड. अनिल कांबळे, मेजर राजरत्न थोरात, प्रा. बी. पी. सावळे, नवनीत अहिरे, जॉर्ज मदनकर, राजाभाऊ ढाले, जीवन रोकडे, सतीश रणवरे, नितीन कांबळे, सतीश साबळे, अंबादास ओव्हाळ, माणिक लोंढे, सारिका फडतरे, सुजाता ओव्हाळ, अमोल भडकवाड, विशाल वंजारी, हरी वाघमारे, प्रमोद कदम, मोहन गाडेकर, योगेश वानखेडे, सचिन कलाधर, दासरी, दीपक गायकवाड,
शुभांगी काकडे, निरंजनाताई सोनावणे, रिनाताई वानखेडे, विशाल सरवदे, अकबर सय्यद, प्रवीण साठे, शरीफ शेख, सुनील अमृतसागर यांच्यासह वंचित बहुजन आघाडी व समता सैनिक दलाचे पदाधिकारी, कार्यकर्ते आणि नागरिक मोठ्या संख्येने उपस्थित होते. सर्वांनी स्वातंत्र्य, समता, बंधुता आणि संविधानिक मूल्यांप्रती आपली बांधिलकी व्यक्त करत सोहळ्याची सांगता केली.
