जाफ्राबाद : जाफ्राबाद तालुक्यातील गाढे गव्हाण येथे डॉ. बाबासाहेब आंबेडकर यांच्या स्मारकासमोर काही गावगुंडांनी १९ मे २०२६ रोजी हौदोस घातल्याची घटना घडली होती. या घटनेमुळे परिसरात संतापाचे वातावरण निर्माण झाले असून संबंधितांवर तात्काळ कठोर कारवाई करण्याची मागणी वंचित बहुजन आघाडीच्या वतीने करण्यात आली आहे.
वंचित बहुजन आघाडीचे मराठवाडा उपाध्यक्ष दिपक डोके यांनी शाखेच्या पदाधिकाऱ्यांसह २१ मे २०२६ रोजी पोलीस अधीक्षक तेघबीर सिंह सिंधू यांची भेट घेत निवेदन सादर केले. डॉ. बाबासाहेब आंबेडकर यांच्या स्मारकाचा अवमान करणाऱ्या गावगुंडांवर तातडीने गुन्हे दाखल करून कठोर कारवाई करण्यात यावी, अशी मागणी निवेदनाद्वारे करण्यात आली.
Also Read : Aurangabad : दोषी अधिकाऱ्यांना निलंबित करा; वंचित बहुजन आघाडीची मागणी
यावेळी मराठवाडा उपाध्यक्ष दिपक डोके यांच्यासह भिकाजी जाधव, विजय सावंत, बबन सावंत, भगवान घोरपडे, उत्तम सावंत, देविदास सावंत, कडूबा हिवाळे, संतुकराव सावंत, राहुल सावंत, विलास सावंत, अनिल हिवाळे, विष्णू सावंत, संजय सावंत, विठ्ठल दाभाडे, अनिल खरात, योगेश हिवाळे आदी पदाधिकारी व कार्यकर्ते मोठ्या संख्येने उपस्थित होते.
वंचित बहुजन आघाडीच्या पदाधिकाऱ्यांनी प्रशासनाने या प्रकरणाची गांभीर्याने दखल घेऊन दोषींवर त्वरित कारवाई करावी, अन्यथा तीव्र आंदोलन छेडण्यात येईल, असा इशाराही दिला.
