राहुरी : राहुरी पोटनिवडणुकीच्या पार्श्वभूमीवर आयोजित जाहीर सभेत उमेदवार संतोष एकनाथ चोळके यांनी प्रस्थापित पक्षांवर थेट निशाणा साधत निवडणूक बिनविरोध करण्याच्या प्रयत्नांचा आरोप केला.
“प्रस्थापित पक्षांनी राहुरीची निवडणूक बिनविरोध करण्याचा प्रयत्न केला. मात्र भावनिकतेच्या नावाखाली स्वतःचा फायदा करून घेण्याचा त्यांचा डाव आम्ही हाणून पाडला,” असे ते म्हणाले. (Rahuri By-Election)
राहुरी तालुक्यातील स्थानिक प्रश्न मांडत त्यांनी मतदारांना आवाहन केले की, “हे प्रश्न सोडवण्यासाठी मला विधानसभेत पाठवा.” प्रस्थापित नेत्यांवर स्वार्थी राजकारणाचा आरोप करत, “हिंदू-मुस्लीम वाद निर्माण करून लोकांना भुलवण्याचे काम सुरू आहे. त्यातून बाहेर पडण्यासाठी वंचित बहुजन आघाडी हा एकमेव पर्याय आहे,” असे त्यांनी स्पष्ट केले.
सभेला कार्यकर्त्यांचा उत्स्फूर्त प्रतिसाद मिळाला.
