मुंबई : टी-२० वर्ल्ड कप जिंकल्यावर आयसीसी रँकिंग जाहीर झाली आहे. या यादीमध्ये भारताच्या अनेक खेळाडूंनी झेप घेतल्याचं पाहायला मिळालं आहे. भारताचा स्टार ओपनर अभिषेक वर्मा हा यादीमध्ये पहिल्या स्थानावर कायम आहे. मात्र भारताला वर्ल्ड कप जिंकण्यात महत्त्वाची भूमिका पार पडलेल्या संजू सॅमसन याने क्रमवारीमध्ये मोठी झेप घेत आपल्या करियरमधील सर्वोत्तम स्थान पटकावले आहे. मात्र वरूण चक्रवर्ती याला झटका बसून त्याला आपले पहिले स्थाम गमवावे लागले आहे. वरूण चक्रवर्ती हा आता दुसऱ्या स्थानी गेला आहे. आता पहिल्या स्थानी कोण आहे? जाणून घ्या.
अभिषेक शर्मा ८७५ अंकांसह पहिल्या स्थानावर कायम आहे मात्र फक्त चार धावांनी त्याचे सिंहासन वाचले आहे. कारण भारताचा आक्रमक खेळाडू ईशान किशन याने आपल्या वर्ल्ड कपमधील प्रदर्शनाच्या जोरावर थेट दुसऱ्या स्थानी आला आहे. अभिषेकपासून तो फक्त चार अकांनी मागे राहिलाय. ईशान किशन याने ८७१ अंकांसह दोन स्थानांनी उडी घेतलीय. टॉप १० फलंदाजांमध्ये भारताच्य चार खेळाडूंचा समावेश आहे. यामधील अभिषेक आणि ईशान यांनाच फायदा आहे. मात्र तिलक वर्मा (७२४ गुण) सातव्या क्रमांकावर आला आहे. तर कॅप्टन सुर्यकुमार यादव याला दोन स्थानांचे नुकसान झाले असून तो आता (७२२) गुणांसह नवव्या स्थानावर आहे. (ICC T20 Ranking)
Aurangabad Protest : मोदी हटाव, देश बचाव! औरंगाबादमध्ये वंचित बहुजन आघाडी आक्रमक
या रँकिंगमध्ये संजू सॅमसन याने सर्वात मोठी झेप घेतली आहे. संजू ६३७ गुणांसह २२ व्या स्थानावर पोहोचला आहे. वेस्ट इंडिजविरूद्धच्या सामन्याआधी ६५ व्या स्थानावर असलेल संजू आता ४३ स्थानांनी झेप घेत २२ व्या क्रमांकावर आहे. यंदाच्या वर्ल्ड कपमध्ये संजू सॅमसन हा मॅन ऑफ द टूर्नामेंट राहिलाय. संजू सॅमसन याने पाच सामन्यात ३२१ धावा केल्या असून त्याची सरासरी ८०.२५ होती आणि स्ट्राईक रेट २०० होता. तीन धावांनी त्याचे शतक हुकले होते, त्यानंतर सेम फायनल आणि फायनल सामन्यात ८९ धावांवर तो आऊट झाला होता. या स्पर्धेत त्याने २४ षटकार आणि २७ चौकार लगावले. (ICC T20 Ranking)
जालन्यात अमर साबळे यांच्या वक्तव्याविरोधात निषेध; वंचित बहुजन आघाडीने होळी करून फोटोचे दहन
बॉलिंगमध्ये वरूण चक्रवर्तीने आपले पहिले स्थान गमावले आहे. राशिद खान याने ७५३ अंकांसह पहिल्या स्थानी झेप घेतली आहे. तर वरण चक्रवर्ती ७४० अंकांसह दुसऱ्या स्थानावर आहे. टॉप १० मध्ये दोनच गोलंदाज असून दुसरा जसप्रीत बुमराह आहे. बुमराहन ७०२ अंकांसह सहाव्या स्थानावर आला असून त्याने एका क्रमांकाने प्रगती केली आहे. (ICC T20 Ranking)
