अमरावती: तिवसा तालुक्यातील शिवणगाव (फत्तेपूर) येथे वंचित बहुजन आघाडीचे राष्ट्रीय अध्यक्ष ॲड. बाळासाहेब आंबेडकर यांच्या विचारांनी प्रेरित होऊन युवकांनी एकत्र येत वंचित बहुजन युवा आघाडीच्या शाखेची स्थापना केली आहे. या शाखेच्या फलकाचे उद्घाटन वंचित बहुजन आघाडीचे जिल्हाध्यक्ष राहुल मेश्राम यांच्या हस्ते आणि युवा आघाडी जिल्हा महासचिव सागर भवते यांच्या प्रमुख उपस्थितीत मोठ्या उत्साहात पार पडले.
याप्रसंगी आयोजित छोटेखानी सभेला संबोधित करताना जिल्हाध्यक्ष राहुल मेश्राम आणि सागर भवते यांनी उपस्थितांना मार्गदर्शन केले. आगामी काळात शेतकरी, कष्टकरी, शेतमजूर, कामगार, बेरोजगार युवक आणि विद्यार्थी वर्गाच्या न्याय्य हक्कासाठी व त्यांच्या समस्या सोडवण्यासाठी या शाखेचे सर्व कार्यकर्ते सदैव तत्पर राहतील, असा विश्वास त्यांनी व्यक्त केला. (Vanchit bahujan aghadi)
कार्यक्रमात नवनियुक्त ग्रामशाखा कार्यकारिणीला वरिष्ठ पदाधिकाऱ्यांनी मान्यता देऊन सन्मानित केले. यावेळी प्रामुख्याने अध्यक्ष आशुतोष इंगळे , उपाध्यक्ष सागर गणेश, सचिव आकाश इंगळे उपस्थित होते. तसेच या सोहळ्याला वंचित बहुजन आघाडीचे तालुका महासचिव मुस्ताक शहा, अनिल सोनाने, युवा आघाडी तालुका महासचिव अमोल जवंजाळ, प्रवीण निकाळजे, तालुका सदस्य अतुल खडसे, नितीन थोरात, प्रदीप सांभारे, गौतम इंगळे यांसह अनेक मान्यवर उपस्थित होते.
कार्यक्रमाच्या यशस्वीतेसाठी राजेंद्र खडसे, राहुल आठवले, सचिन खडसे, शुभम खडसे, प्रतीक मेटांगे, नितीन मोंढे, संजय राजघरे, मुकेश तंतरपाले, भावेश खडसे, विशाल खडसे, मनीष गजरे, सागर इंगळे, अनिकेत खडसे, गजानन खंडारे, अमन शहा, अनिकेत नव्हाळे, अक्षय इंगोले, नदीन मुल्ला व इतर कार्यकर्त्यांनी अथक परिश्रम घेतले.
