मुंबई : सामजिक बांधिलकी जपण्याच्या उद्देशाने वंचित बहुजन आघाडी आणि शिल्ड फाउंडेशन यांच्या संयुक्त विद्यमाने चेंबूर येथे भव्य ‘मोफत नेत्रचिकित्सा व चष्मा वाटप शिबिराचे’ आयोजन करण्यात आले आहे. हे शिबिर शनिवार, दिनांक १४ फेब्रुवारी रोजी सकाळी ११:०० ते दुपारी ४:०० या वेळेत पार पडणार आहे. (Free Mega Eye Check-Up)
विभागातील गरजू नागरिकांच्या आरोग्याचा विचार करून या शिबिरात खालील सुविधा उपलब्ध करून देण्यात आल्या आहेत:
१) शिबिरात येणाऱ्या सर्व नागरिकांची तज्ज्ञ डॉक्टरांकडून मोफत डोळे तपासणी केली जाईल.
२) ५० वर्षे व त्यापेक्षा जास्त वय असलेल्या ज्येष्ठ नागरिकांना मोफत चष्म्यांचे वाटप करण्यात येणार आहे.
३) ५० वर्षांखालील नागरिकांसाठी केवळ ५० रुपयांत चष्मे उपलब्ध करून दिले जातील.
४) शिबिरातील ज्या रुग्णांना मोतीबिंदूचा त्रास आढळेल, त्यांच्यावर खाजगी रुग्णालयात अत्यंत माफक (अत्यल्प) दरात शस्त्रक्रिया करण्याची सोय करण्यात आली आहे. (Free Mega Eye Check-Up)
विभागातील सर्व स्थानिक रहिवासी, तरुण आणि गरजू नागरिकांनी या रुग्णसेवेचा मोठ्या संख्येने लाभ घ्यावा, असे आवाहन वंचित बहुजन आघाडी आणि शिल्ड फाउंडेशनच्या वतीने करण्यात आले आहे.
