औरंगाबाद: भारतीय विनय अलंकार धम्मज्ञान प्रशिक्षण केंद्र भिमटेकडी यांच्या वतीने आयोजित जागतिक बौद्ध धम्मपरिषद २०२६ चा शानदार प्रारंभ विश्वशांती बुद्ध विहार, भिमटेकडी येथे झाला आहे. या परिषदेसाठी भारत आणि जगातील तब्बल ३० देशांतील पूजनीय बौद्ध भिक्खू आणि भिक्खू संघ मोठ्या संख्येने उपस्थित झाले असून, संपूर्ण परिसर धम्ममय झाला आहे.
ही परिषद २६ फेब्रुवारीपासून सुरू झाली असून २ मार्च २०२६ पर्यंत चालणार आहे. दररोज सकाळी ८ वाजल्यापासून रात्री १० वाजेपर्यंत विविध धार्मिक आणि प्रबोधनात्मक कार्यक्रमांचे आयोजन करण्यात आले आहे. जागतिक शांतता आणि मानवी कल्याणाचा संदेश देण्यासाठी या भव्य परिषदेचे आयोजन करण्यात आले आहे. (World Buddhist Dhamma Conference 2026)
परिषदेच्या मुख्य सत्रात आयोजित भारतीय बौद्धमहासभेचे राष्ट्रीय अध्यक्ष ‘भिमराव आंबेडकर धम्म परिषदे’मध्ये देश-विदेशातील नामवंत भिक्खू संघाचे प्रमुख उपस्थित उपासक आणि उपासिकांना मार्गदर्शन केले.
या ऐतिहासिक सोहळ्यासाठी महाराष्ट्राच्या कानाकोपऱ्यातून हजारो उपासक-उपासिका भिमटेकडी येथे दाखल झाल्या आहेत. (World Buddhist Dhamma Conference 2026)
या परिषदेमुळे औरंगाबाद शहराला जागतिक स्तरावर धम्मप्रचाराचे केंद्र म्हणून नवी ओळख मिळत आहे. आयोजकांनी सर्व धम्मप्रेमींना या सोहळ्याचा लाभ घेण्याचे आवाहन केले आहे.
