जालना : जिल्ह्यात घरगुती गॅस सिलेंडरची निर्माण झालेली टंचाई आणि वाढत चाललेला काळाबाजार थांबवण्यासाठी वंचित बहुजन आघाडी जालना पश्चिम जिल्ह्याच्या वतीने जिल्हा पुरवठा अधिकाऱ्यांना निवेदन देण्यात आले. गॅस सिलेंडरची कृत्रिम टंचाई निर्माण करून काही ठिकाणी काळाबाजार होत असल्याची तक्रार करण्यात आली असून प्रशासनाने यावर तात्काळ कारवाई करावी, अशी मागणी यावेळी करण्यात आली. (Jalna news)
या प्रसंगी जिल्हाध्यक्ष डेविड दादा घुमारे, जिल्हा महासचिव प्रशांत कजबे, जिल्हा सचिव राजेंद्र वांजुळे, जालना तालुका सचिव गौतम वाघमारे, ओबीसी नेते सुंदरलाला बगीनवाल, युवा जिल्हा उपाध्यक्ष हरीष रत्नपारखे, तालुका महासचिव दिपक खाजेकर, तालुका उपाध्यक्ष मुरली बोबडे, विलास भिंगारे, सचिन घोडे यांच्यासह वंचित बहुजन आघाडीचे पदाधिकारी व कार्यकर्ते मोठ्या संख्येने उपस्थित होते.
