अकोला: वंचित बहुजन आघाडीचे राष्ट्रीय अध्यक्ष ॲड. बाळासाहेब आंबेडकर यांच्या नेतृत्वाखाली २३ मार्च २०२६ रोजी नागपूर येथील आरएसएस (RSS) मुख्यालयावर काढण्यात येणाऱ्या संयुक्त मोर्चाच्या नियोजनासाठी अकोला जिल्ह्यात बैठकांचे सत्र पार पडले.
वंचित बहुजन युवा आघाडीच्या वतीने जिल्ह्यातील अकोला, बार्शिटाकाळी, मूर्तिजापूर, तेल्हारा, अकोट आणि पातूर या सर्व तालुक्यांमध्ये महत्त्वपूर्ण बैठका घेऊन कार्यकर्त्यांना सज्ज राहण्याचे आवाहन करण्यात आले आहे. या बैठकांमध्ये बोलताना पदाधिकाऱ्यांनी केंद्र सरकारवर कडाडून टीका केली. (March 23 Protest)
पंतप्रधान नरेंद्र मोदी यांनी देश अमेरिकेसमोर गहाण ठेवला असून, ते देशविरोधी करार करत असल्याचा आरोप यावेळी करण्यात आला. विशेषतः ‘एपस्टीन फाईल्स’ मध्ये नरेंद्र मोदींचे नाव आल्याचा आरोप करत, या गंभीर विषयावर आरएसएस गप्प का आहे? असा सवाल उपस्थित करण्यात आला.
याच मौनाचा जाब विचारण्यासाठी नागपूरच्या संघ मुख्यालयावर धडक देण्याचा निर्धार यावेळी व्यक्त करण्यात आला. वंचित बहुजन युवा आघाडीचे प्रदेश महासचिव राजेंद्र पातोडे यांच्या मार्गदर्शनाखाली या बैठकांचे आयोजन करण्यात आले होते. (March 23 Protest)
यावेळी वंचित बहुजन आघाडीचे अकोला जिल्हाध्यक्ष प्रमोद देंडवे यांच्यासह जिल्ह्यातील प्रमुख पदाधिकारी व कार्यकर्त्यांनी मोर्चाच्या नियोजनाबाबत सविस्तर चर्चा केली. बैठकीला माजी व विद्यमान पदाधिकारी, कार्यकर्ते आणि समाजसेवक मोठ्या संख्येने उपस्थित होते.
