संविधान सन्मान सभेच्या तयारीची त्यांनी पाहणी केली.
मुंबई : जेव्हापासून भाजप सत्तेत आहे, तेव्हापासून ते समजा – समाजात भांडणं लावण्याचं काम करतात. पण त्यांच्या या कृतीच्या विरोधात आम्ही कायम लढत राहू. दोन समाज आणि धर्मात जर कोणी भांडण लावली तर त्यांना वंचित बहुजन आघाडीचे कार्यकर्ते रोखतील. असं म्हणत वंचित बहुजन आघाडीचे युवा नेते सुजात आंबेडकरांनी भाजपवर टीकास्त्र सोडले.
कोणाचही आरक्षण न काढता मराठा समाजाला आरक्षण देता येईल, याचा फॉर्म्युला बाळासाहेबांकडे आहे. याबाबत त्यांच्या उद्याच्या भाषणात ते स्पष्टीकरण देतील असेही सुजात आंबेडकरांनी सांगितले आहे.
संविधानाच्या सन्मानार्थ होणाऱ्या संविधान सन्मान महासभेच्या तयारीची पाहणी करण्यासाठी ते छत्रपती शिवाजी महाराज पार्क येथे आले असताना त्यांनी माध्यमांशी संवाद साधला.
