परभणी : पूर्णा येथे मंगळवारी (दि. २४) भारतीय बौद्ध महासभेच्या तालुका संपर्क कार्यालयाचे उद्घाटन उत्साहपूर्ण वातावरणात संपन्न झाले. या कार्यक्रमाचे अध्यक्षस्थान तालुकाध्यक्ष लक्ष्मण गायकवाड यांनी भूषविले. कार्यक्रमाचे उद्घाटन परभणी जिल्हा दक्षिण अध्यक्ष तथा बौद्धाचार्य केंद्रीय शिक्षक तुकाराम ढगे यांच्या हस्ते करण्यात आले. (Bharatiya Bauddha Mahasabha)
यावेळी जिल्हा संघटक सिद्धार्थ खरे, वंचित बहुजन आघाडीचे जिल्हा सल्लागार सुनील मगरे, तालुका सरचिटणीस गौतम गायकवाड, तालुका कोषाध्यक्ष राहुल कचरे, तालुका संरक्षण प्रमुख केशव मकासारे यांची प्रमुख उपस्थिती होती.
तसेच भारतीय बौद्ध महासभेचे शहराध्यक्ष बौद्धाचार्य उमेश बाऱ्हाटे, शहर संस्कार प्रमुख धारबा धुमाळे, शहर उपाध्यक्ष अनिल इंगोले, राऊत साहेब, लोंढे साहेब आणि विनोद वावळे यांच्यासह अनेक कार्यकर्ते व पदाधिकारी मोठ्या संख्येने उपस्थित होते. (Bharatiya Bauddha Mahasabha)
या प्रसंगी उपस्थित मान्यवरांनी संघटनेच्या कार्याबाबत मार्गदर्शन केले. कार्यक्रम मोठ्या उत्साहात आणि शिस्तबद्ध पद्धतीने पार पडला.
