छत्रपती शिवाजी महाराज पार्कवर २५ नोव्हेंबरला वंचितची संविधान सन्मान महासभा
मुंबई : वंचित बहुजन आघाडीच्या वतीने गेल्या तीन वर्षांपासून मुंबईतील छत्रपती शिवाजी महाराज पार्क येथे 25 नोव्हेंबर रोजी संविधान सन्मान महासभेचे आयोजन करण्यात येत असते. यंदाही ही महासभा त्याच ठिकाणी आयोजित करण्यात येणार असल्याची माहिती वंचित बहुजन आघाडीचे नेते जितरत्न पटाईत यांनी समाज माध्यमांद्वारे दिली आहे.
यंदाची संविधान सन्मान महासभा २५ नोव्हेंबर २०२६ रोजी छत्रपती शिवाजी महाराज पार्क, दादर, मुंबई येथे होणार आहे. भारतीय संविधानाच्या मूल्यांचा सन्मान, संविधानिक हक्कांचे संरक्षण आणि सामाजिक समतेच्या विचारांचा जागर करण्याच्या उद्देशाने या महासभेचे आयोजन करण्यात येत असते.
Also Read : आरक्षण हटाओ आंदोलन की ‘जातीवादी मिलन समारोह’! ॲड. प्रकाश आंबेडकरांचा थेट हल्ला; ‘ब्राह्मणवाद, ठाकूरवाद जिंदाबाद’च्या घोषणांनी पेटला वाद
वंचित बहुजन आघाडीने मागील तीन वर्षांपासून मुंबईत संविधान सन्मान महासभेच्या माध्यमातून संविधान आणि लोकशाहीच्या मूल्यांबाबत जनजागृती करण्याचा प्रयत्न केला आहे. यंदाची महासभाही त्याच परंपरेत छत्रपती शिवाजी महाराज पार्क, दादर, मुंबई येथे होणार असल्याने या कार्यक्रमाकडे देशातील राजकीय आणि सामाजिक क्षेत्राचे लक्ष लागले आहे. (Constitution Samman Mahasabha)
आगामी काळात महासभेतील प्रमुख वक्ते, कार्यक्रमाचे स्वरूप आणि इतर नियोजनाबाबत माहिती जाहीर केली जाण्याची शक्यता आहे.
गेल्यावर्षी जवळपास पावणे तीन लाख लोकं या सभेसाठी उपस्थित होती. त्यामुळे यंदाची सभा पुन्हा एकदा रेकॉर्डब्रेक होण्याची मोठी दाट शक्यता आहे.
