अकोला : बेलदार समाज हा भटक्या विमुक्त समाज असुन त्यांचा विकास देश स्वतंत्र झाल्यापासून आजपर्यंत झालेला नाही. सत्तेच्या मुख्य प्रवाहापासून हा समाज कोसो दूर आहे. परंतु वंचित बहुजन आघाडीचे राष्ट्रीय अध्यक्ष ॲड. बाळासाहेब आंबेडकर हे बेलदार समाजाला सत्तेच्या मुख्य प्रवाहात आणण्यासाठी अटोकाट प्रयत्न करत आहेत. त्यामुळे बेलदार समाजात उत्साहाचे वातावरण आहे.
बेलदार समाजाचे महाराष्ट्र राज्य प्रदेश उपाध्यक्ष विनोद जाधव तसेच वंचित बहूजन आघाडी पुणे शहर उपाध्यक्ष आणि प्रा.बी.पी.सावळे (सचिव पुणे शहर) हे पुणे येथून येऊन अकोला मतदार संघात बेलदार समाजात जावून प्रचार करत आहेत.त्यांनी ॲड.बाळासाहेब आंबेडकर यांच्या आणि वंचित बहुजन आघाडीच्या भूमिकेचे महत्व बेलदार समाजाला पटवून दिल्यामुळे त्यांना बेलदार समाजाचा उत्तम प्रतिसाद मिळत असल्याचे दिसत आहे.
वंचित बहुजन आघाडीचे राष्ट्रीय अध्यक्ष ॲड प्रकाश आंबेडकर यांना बेलदार समाजाने प्रेशर कुकर या चिन्हासमोरील 5 नंबरचे बटन दाबून बहुमताने विजयी करण्याचे आवाहनही त्यांनी यावेळी केले.
