औरंगाबाद – प्रबुद्ध भारत ऑनलाइनचे टेक्निकल हेड रफायेल पठारे यांचे नुकतेच दीर्घ आजाराने निधन झाले. प्रबुद्ध भारत ऑनलाईनच्या माध्यमातून वंचित बहुजन आघाडीच्या सभा सबंध महाराष्ट्रामध्ये दाखवण्यामागे जे हात राबत होते, त्यातील प्रमुख चेहरा म्हणजे रफायेल पठारे.
रिलायन्स सारख्या मोठ्या कंपनीत टेक्निकल भागात काम करून ही कधीही बडेजावपणा त्यांनी दाखवला नाही. अनेक अडचणींवर मात करत प्रबुद्ध भारताच्या सभा, भाषणं लोकांपर्यंत पोहचवण्यात त्यांचा सिंहाचा वाटा होता, आहे. अत्यंत मृदभाषी, संयमी अन कामाप्रती प्रचंड निष्ठा, तळमळ असणारे मितभाषी होते. पठारे यांच्या निधनाने ‘प्रबुद्ध भारता’चे मोठे नुकसान झाले आहे. त्यांच्या मागे आई, भाऊ असा परिवार आहे. प्रबुद्ध भारत परिवाराच्यावतीने त्यांना भावपूर्ण आदरांजली.
