पुणे: पुण्यातील आरटीओ कार्यालयाजवळील एसएसपीएमस, मैदान येथे दि. २७ फेब्रुवारी रोजी, वंचित बहुजन आघाडीच्या वतीने सत्ता परिवर्तन महासभेचे आयोजन करण्यात आले आहे.वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर हे प्रमुख मार्गदर्शक म्हणून उपस्थित राहणार आहेत.
राज्यातील अनेक ठिकाणी वंचित बहुजन आघाडीच्या सभांना जनतेचा प्रचंड प्रतिसाद मिळत असल्याचे दिसत आहे. अकोला, मुंबई, नागपूर, बीड, सांगली, अमरावती, आणि मुंबई येथील सभांनी गर्दीचे उच्चांक मोडल्याचे दिसून आले होते. आता पुण्यात देखील गर्दीचा नवा विक्रम वंचित बहुजन आघाडी नोंदवणार का ? याकडे पुण्यासह राज्यातील जनतेचे लक्ष लागून राहिले आहे.
