मुंबई : वंचित बहुजन आघाडीचे युवा नेते, सुजात आंबेडकर यांनी रविवार दि. २८ जानेवारी पासून मुंबई उत्तर मध्य आणि मुंबई दक्षिण या लोकसभा मतदारसंघात स्थानिक नागरिकांच्या समस्या आणि प्रश्न जाणून घेण्यासाठी जनसंवाद यात्रेला सुरुवात केली. या जनसंवाद यात्रेला नागरिकांचा प्रचंड प्रतिसाद मिळत आहे. ठिकठिकाणी सूजात आंबेडकरांचे मोठ्या जल्लोषात स्वागत करण्यात येत आहे.
या जनसंवाद यात्रेचे आयोजन महिला, वृद्ध, स्थानिक नागरिक तसेच युवकांच्या समस्या जाणून घेण्यासाठी केले आहे. जनसंवाद यात्रेच्या तिसऱ्या दिवशी ही ठिकठिकाणी मोठ्या उत्साहात लोक सहभागी होत आहेत.
येणाऱ्या लोकसभा आणि विधानसभा निवडणुकीच्या तोंडावर सुजात आंबेडकरांचा या दोन मतदारसंघातील पायी दौरा खूप महत्वपूर्ण मानला जात आहे.
