औरंगाबाद – येथील “Thank You Dr Ambedkar” लिहिलेल्या प्रसिद्ध नामफलकावर दगडफेक केल्याची घटना घडली. अशा प्रकारची घटना घडल्याची ही दुसरी वेळ असल्याचे सांगितले जाते. ह्याबद्दल माहिती मिळताच मोठ्याप्रमाणात लोकं नामफलकाजवळ जमा झाली होती.
यावेळी वंचित बहुजन आघाडीचे अमित भुईगळ हे सुद्धा उपस्थित होते. पोलिसांसोबत त्यांनी व इतर कार्यकर्त्यांनी घटनेचे cctv footage तपासले. तेव्हा हे कृत्य एका वेडसर माणसाकडून करण्यात आल्याचे दिसले.
अफवांवर विश्वास न ठेवण्याचे आवाहन.
या घटनेमुळे लोकांकडून रोष व्यक्त केला जात आहे. परंतु ही घटना एका वेडसर माणसाकडून घडल्याचे दिसत असल्याने कोणत्याही अफवांवर विश्वास ठेवू नये, असे आवाहन अमित भुईगळ यांच्याकडून करण्यात आले. सोबतच उपस्थित असलेल्या पोलीस उपायुक्त यांनीही अशा घटना घडणार नाहीत याकडे लक्ष देण्याची सूचना केली.
