Buldhana : शरद पवार यांनी वेळोवेळी भाजपला मदत केली आहे, शिवाय राज्यात भाजपचं सरकार आणण्यात त्यांचा सिंहाचा नाही तर हत्तीचा वाटा आहे. असा खळबळजनक दावा राष्ट्रवादी काँग्रेसचे प्रमुख शरद पवार यांच्यावर राज्यमंत्री प्रतापराव जाधव यांनी जोरदार टीका केली आहे. बुलढाणा येथे ते पत्रकारांशी बोलत होते.
2014 साली राज्यात भाजपचे सरकार आणण्यासाठी शरद पवार साहेबांचा सिंहाचा नाही तर हत्तीचा वाटा आहे. वेळोवेळी त्यांनी भाजपला मदत केली आहे. मात्र आता त्यांना एवढा भाजपचा तिटकारा का? तर देशात सर्वात मोठा विरोधक मी व माझा पक्ष, हे दाखवण्यासाठी आणि आपल्या पक्षाचं अस्तित्व टिकवण्यासाठी ते प्रयत्न करत असल्याचा टोला केंद्रीय आरोग्य राज्यमंत्री प्रतापराव जाधव यांनी शरद पवारांना लगावला आहे.
हिंदू धर्मात कोणी कुठे कशी पूजा करावी, हा ज्याचा त्याचा प्रश्न- प्रतापराव जाधव
सोबतच हिंदू धर्मात कोणी कुठे कशी पूजा करावी, हा ज्याचा त्याचा प्रश्न आहे त्यामुळे रायगडमध्ये काही पूजा झाली असेल तर त्यात गैर काय? असा प्रतिप्रश्नही त्यांनी केला आहे.
दारूच्या भावांवर काँग्रेसवर टीका
राज्यातील सर्वात मोठा विरोधी पक्ष असलेला काँग्रेस पक्षाच्या प्रदेशाध्यक्षांना जर दारूचे भाव कमी पाहिजे असतील तर मी सरकारला त्यांच निवेदन देईल. पीअशा शब्दांत त्यांनी काँग्रेसवरही निशाणा साधला.
