मुंबई : मुलुंड तालुक्यातील असंख्य कार्यकर्त्यांनी वंचित बहुजन युवा आघाडी मध्ये उत्साहात जाहीर पक्षप्रवेश केला. वंचितच्या विचारसरणीवर विश्वास व्यक्त करत आघाडीत प्रवेश केला.
या पक्षप्रवेश कार्यक्रमात चेतन अहिरे (प्रदेश अध्यक्ष), स्नेहल सोहनी (महिला अध्यक्ष) आणि सागर गवई (युवा प्रदेश अध्यक्ष) यांच्या हस्ते नव्या कार्यकर्त्यांचे स्वागत करण्यात आले. त्यांनी उपस्थितांना संबोधित करत सामाजिक व राजकीय परिवर्तनासाठी एकत्रितपणे कार्य करण्याचे आवाहन केले.
हा कार्यक्रम युवा आघाडीचे मुंबई प्रदेशयावेळी महासचिव विपुल हिरे, मुलुंड तालुका समन्वयक प्रदीप शिरसाठ आणि त्यांच्या सहकाऱ्यांच्या माध्यमातून यशस्वीरीत्या पार पडला.
वंचित बहुजन आघाडी च्या विचारांवर विश्वास ठेवून पक्षात सहभागी झालेल्या सर्व कार्यकर्त्यांचे स्वागत करण्यात आले असून, आगामी सामाजिक-राजकीय लढ्यात ते सक्रिय भूमिका बजावतील, असा विश्वास व्यक्त करण्यात आला.
