नवी मुंबई : महाराष्ट्र लोकसेवा आयोगाच्या (MPSC) औषध निरीक्षक पदाच्या परीक्षेतील कथित पेपरफुटीच्या प्रकरणावरून MPSCचे सचिव महेंद्र हरपाळकर यांच्या तोंडाला सामाजिक कार्यकर्त्यांनी काळे फासले.
MPSCचा अभ्यास करणाऱ्या सुमारे २५ लाख विद्यार्थ्यांच्या तसेच महाराष्ट्रातील १२ कोटी जनतेच्या वतीने भ्रष्ट व्यवस्थेविरोधात ही तीव्र प्रतिक्रिया व्यक्त करण्यात आली आहे. महेंद्र हरपाळकर यांच्या तोंडाला फासलेले काळे हे सरकारच्या कारभाराविरोधातील जनतेची थप्पड असल्याचे आता बोलले जात आहे.
वंचित बहुजन आघाडीचे प्रदेशाध्यक्ष राजेंद्र पातोडे यांनीही या विरोधात प्रतिक्रिया दिली होती, तसेच वंचित बहुजन आघाडी,पुणे यांना MPSC विद्यार्थी आंदोलनात सक्रिय सहभागी होण्याचे आणि पाठिंबा देण्याचे आवाहन केले होते. वंचित बहुजन आघाडी पुणे शहर अध्यक्ष ॲड. अरविंद तायडे यांनी MPSC विद्यार्थ्यांवर गुन्हे दाखल करण्याआधी आमच्यावर गुन्हे दाखल करा असा इशारा दिला होता.
