मुंबई : एपस्टीन फाईल प्रकरण, अमेरिकेशी एकतर्फी व्यापार प्रकरण, पंतप्रधान मोदी यांचा एपस्टिन फाइल्समध्ये उल्लेख यावरून देशभरात संतापाची लाट उसळली आहे.
देशाचे सार्वभौमत्व धोक्यात आले असून याविरोधात वेगवेगळ्या सामाजिक संघटना आणि वंचित बहुजन आघाडीच्यावतीने उद्या, सोमवार २ मार्च २०२६ रोजी मुंबईत दुपारी १२:०० वाजता एका भव्य आंदोलनाचे आयोजन करणार आहे. वंचित बहुजन आघाडीचे राष्ट्रीय अध्यक्ष आणि भारतीय बौद्ध महासभेचे कायदेशीर सल्लागार अ‍ॅड. प्रकाश (बाळासाहेब) आंबेडकर यांच्या नेतृत्वाखाली हा मोर्चा काढण्यात येणार आहे.
भारतीय बौद्ध महासभेचा जाहीर पाठिंबा :
या आंदोलनाला भारतीय बौद्ध महासभेने आपला सक्रिय पाठिंबा दर्शविला आहे. महासभेचे ट्रस्टी व राष्ट्रीय कार्याध्यक्ष डॉ. भीमराव यशवंतराव आंबेडकर यांच्या आदेशानुसार आणि राष्ट्रीय उपाध्यक्ष एस. के. भंडारे यांच्या सूचनेनुसार, महासभेच्या सर्व शाखांना या आंदोलनात सहभागी होण्याचे आवाहन करण्यात आले आहे. तसेच या या महा आंदोलनात महाराष्ट्र राज्य (महिला व पुरुष), मुंबई प्रदेश कार्यकारिणी, झोन १ ते ६ मधील सर्व पदाधिकारी आणि कार्यकर्ते मोठ्या संख्येने उपस्थित राहणार आहेत. या आंदोलनादरम्यान शिस्त राखण्यासाठी आणि संरक्षणासाठी समता सैनिक दलाच्या सर्व अधिकार्‍यांना आणि सैनिकांना पूर्ण गणवेशात (ड्रेस कोड) उपस्थित राहण्याचे निर्देश देण्यात आले आहेत.
‘एफस्टीन फाईल’ मधील धक्कादायक बाबींचा निषेध नोंदवण्यासाठी आणि या प्रकरणातील सत्य जनतेसमोर आणण्यासाठी हे आंदोलन छेडण्यात येत असल्याचे संघटनेच्या वतीने सांगण्यात आले आहे.
