पिंपरी-चिंचवड : वंचित बहुजन युवा आघाडी पिंपरी चिंचवड शहराच्या माध्यमातून आगामी विधानसभा निवडणुकांच्या अनुषंगाने युवा संवाद परिषदांचे आयोजन केले जात आहे. त्याच धर्तीवर काल भोसरी विधानसभेतील निगडी भागात वंचित बहुजन युवा आघाडीचे शहराध्यक्ष नितीन गवळी यांच्या नेतृत्वात, शहर संघटक प्रमोद क्षीरसागर व प्रसिद्धी प्रमुख बुद्धभूषण अहिरे यांच्या सहकार्याने युवा संवाद परिषद झाली. या प्रसंगी शेकडो तरुणांनी वंचित बहुजन आघाडीत जाहीर प्रवेश केला.
या वेळी वंचित बहुजन युवा आघाडीचे शहराध्यक्ष नितीन गवळी, महासचिव सुनील जावळे, वंचित बहुजन आघाडीचे उपाध्यक्ष राहुल सोनवणे, दीपक भालेराव, सचिव स्वप्निल गायकवाड, श्रीकांत जोगदंड, रमेश गायकवाड, उपस्थित होते.
तसेच, प्रज्वल जगताप, मंथन गायकवाड, विशाल मांजरे, सागर सूर्यवंशी, विजयकुमार शिंदे, आकाश डोंबे, प्रमोद कांबळे, रामेश्वर खरात, संदीप माने, कुणाल वाकोडे यांच्यासह शेकडो तरुणांनी वंचित बहुजन आघाडीत प्रवेश केला.
