अकोला : चोहट्टा बाजार सर्कल पोटनिवडणुकीत वंचित बहुजन आघाडीचे उमेदवार योगेश पंजाबराव वडाळ यांनी ३८८१ मते घेत प्रतिस्पर्धी भाजपाचे उमेदवार गजानन नाळे यांचा १४०० मतांच्या अंतराने पराभव करून ते विजयी झाले. प्रतिस्पर्धी भाजपाचे उमेदवार गजानन नाळे यांना फक्त २३८७ मते मिळाली.
काँग्रेस चे उमेदवार रवींद्र अरबट यांच्या प्रचार सभेला काँग्रेस प्रदेशाध्यक्ष नाना पटोले यांनी उपस्थिती लावली होती तरी देखील त्यांच्या पारड्यात फक्त ७९५ मते जनतेने टाकली. याउलट वंचित बहुजन आघाडीचे उमेदवार योगेश वडाळ यांच्या प्रचारासाठी वंचित चे कोणतेही मोठे नेते उपस्थित नव्हते तरीदेखील त्यांना मोठे बहुमत मिळाले.
माजी जिल्हा परिषद सभापती पंजाबराव वडाळ यांच्या निधनानंतर चोहट्टा सर्कल ची जागा रिक्त झाली होती. रिक्त जागेवर त्यांचे पुत्र योगेश वडाळ यांना उमेदवारी देण्यात आली होती.
