भंडारा : भंडारा जिल्ह्यातील साकोली तालुका येथील मुंडीपार, बाह्मणी/खैरी येथील ४७६ एकर जागा २०१३ साली, शासनाने शेतकऱ्यांकडून भेल (भारत हेवी इलेक्ट्रिकल्स लिमिटेड) या प्रकल्पासाठी अधिकग्रहीत केली. पण अद्याप ही सदर जागेवर प्रकल्प तयार झाला नाही. भेल प्रकल्प सुरू व्हावं, ह्यासाठी भेल प्रकल्पग्रस्त शेतकरी बेमुदत साखळी उपोषण आंदोलन करीत आहेत.
आज दिनांक 13 जुलै रोजी आंदोलनस्थळी भेट देत, या लढ्यात आम्ही तुमच्या सोबत आहोत असे सांगत वंचित बहुजन महिला आघाडी भंडारा जिल्ह्याच्या जिल्हाध्यक्ष तनुजा अमित नागदेवे भेट दिली. भेल कंपनी सुरू करा किंवा या जागेवर शेतकऱ्यांना शेती तरी करू द्या. यातच एका प्रकल्पग्रस्त आदिवासी शेतकऱ्याने कीटकनाशक पासन करून आत्महत्यांचा प्रयत्न केला होता, या प्रकल्पाला लक्ष केंद्रित केले नाही. या तीन पिंपळगाव बामनी खैरी मुंडेपार ह्या गावातील लोकांची जमीन प्रकल्पामध्ये गेल्यानंतर त्या शेतकऱ्यांचे मुलंबाळ बेरोजगार झाले आहेत. तरी पण इथले राजकीय नेत्यांना या प्रकल्पाचे काही घेणे देणे नाही. या जिल्ह्यात राजकीय मोठे मोठे नेते आहेत तरीपण एके मोठ्या नेत्यांनी आवाज उचलला नाही.
भेल प्रकल्प शेतकरी संघटना समितीचे अध्यक्ष व सरपंच विजय नवखरे, पिंपळगावचे सरपंच श्याम शिवणकर, प्रदीप मेश्राम, ग्रामपंचायत सदस्य पवन तवाडे, सिंधुबाई नवखरे, अशोक दिगोरे, शेखराम बेदरकर, कृष्णा रोकडे, मुकेश मेनपाले, परमानंद मेनपाले, महिला जिल्हाध्यक्ष तनुजा नागदेवे, जिल्हा सहसचिव यादोराव गणवीर, लाखनी तालुका अध्यक्ष श्रीकांत नागदेवे, साकोली तालुका महासचिव अमित नागदेवे, गणेश गजभिये कांता गजभिये आदी उपस्थित होते.
