भाजपचा जातीयवाद! डॉ. बाबासाहेब आंबेडकरांच्या जयंती दिनी वाहिली श्रद्धांजली; वंचित बहुजन आघाडीकडून तीव्र निषेध

नवी दिल्ली : महामानव डॉ. बाबासाहेब आंबेडकर यांच्या जयंतीनिमित्त देशभरात मोठ्या उत्साहात कार्यक्रम साजरे केले जात असताना, भारतीय जनता पक्षाच्या अधिकृत ट्विटर खात्यावर करण्यात आलेल्या पोस्टमुळे नागरिकांमध्ये संतापाची लाट उसळली आहे.

पोस्टवरून डॉ. आंबेडकरांचा अपमान केल्याचे वंचित बहुजन आघाडीने आरोप केला आहे, भाजपच्या पोस्ट वरून नागरिकांमध्ये संतापाची लाट उसळल्याचे पाहायला मिळत आहे. भाजपच्या अधिकृत ट्विटर खात्यावरून पंतप्रधान नरेंद्र मोदी यांनी डॉ. बाबासाहेब आंबेडकर यांना भावपूर्ण श्रद्धांजली वाहिल्याची पोस्ट करण्यात आली होती.

Also Read : उलवे येथे डॉ. बाबासाहेब आंबेडकरांच्या सहीचा LED बोर्डला विरोध; वंचित बहुजन आघाडीच्या हस्तक्षेपानंतर अखेर लावला बोर्ड!

वंचित बहुजन आघाडीने या प्रकरणी तीव्र प्रतिक्रिया देत, मनुवादी विचारसरणीने प्रेरित भाजप आणि राष्ट्रीय स्वयंसेवक संघ यांच्या भूमिकेवर टीका केली आहे. पक्षाच्या वतीने प्रसिद्ध केलेल्या निवेदनात, ही कृती डॉ. आंबेडकरांविषयीचा द्वेष दर्शवणारी असून, नरेंद्र मोदी आणि भाजपची मानसिकता उघड करणारी असल्याचा आरोप करण्यात आला आहे.

Also Read : नाशिकमध्ये RSS कडून ‘भव्य महाआरती’चे आयोजन; वंचित बहुजन आघाडी आक्रमक!

तसेच, “डॉ. बाबासाहेब आंबेडकर यांच्या जयंतीदिवशी अशा प्रकारची पोस्ट करणे हे अत्यंत निषेधार्ह आहे. या घटनेचा आम्ही तीव्र शब्दांत निषेध करतो,” असेही वंचित बहुजन आघाडीने म्हटले आहे. दरम्यान, या प्रकरणामुळे सोशल मीडियावर विविध प्रतिक्रिया उमटत असून, भाजपवर तीव्र शब्दात टीका केली जात आहे.