नवी मुंबई : उलवे परिसरात आज डॉ. बाबासाहेब आंबेडकर यांच्या सहीचा LED बोर्ड बसविण्याच्या कामादरम्यान काही काळ तणावाचे वातावरण निर्माण झाले. स्थानिक पातळीवर काही जातीवादी विचारांच्या लोकांकडून या बोर्डाला विरोध करण्यात आल्याची माहिती समोर आली आहे.
हा LED बोर्ड बसवण्याचे काम सुरू असताना काहींनी जाणीवपूर्वक आक्षेप घेतल्यामुळे परिस्थिती तणावपूर्ण बनली. यावेळी स्थानिक भीमसैनिकांनी तत्काळ वंचित बहुजन आघाडीचे जिल्हाध्यक्ष अश्वजित जगताप यांच्याशी संपर्क साधून मदत मागितली. (Dr. Babasaheb Ambedkar Jayanti)
घटनेचे गांभीर्य ओळखून अश्वजित जगताप तात्काळ घटनास्थळी दाखल झाले. त्यांनी पोलीस प्रशासनाशी समन्वय साधत परिस्थिती नियंत्रणात आणली. तसेच विरोध करणाऱ्यांनाही त्यांनी ठाम भूमिका घेत समज दिली. या हस्तक्षेपानंतर कोणताही अनुचित प्रकार न घडता डॉ. बाबासाहेब आंबेडकर यांच्या सहीचा LED बोर्ड यशस्वीरित्या बसवण्यात आला.
